კლუბის დამფუძნებლები:  ირმა ვეფხვაძე,   ნანა ჭინჭარაული                                                                                                                       მოგზაურთა კლუბი ,,ველური  მთიანეთი“-ს მისია  
სასკოლო მოგზაურთა კლუბი ,,ველური მთიანეთი“ დაფუძნებულია მოსწავლეების აქტიურად ჩართვისთვის საზოგადოებრივ ცხოვრებაში. მოგზაურთა კლუბი მოსწავლეებისათვის წარმოადგენს სამოქალაქო განათლების გეოგრაფიის, ისტორიის, ბიოლოგიის გაკვეთილებზე მიღებული ცოდნის პრაქტიკაში გამოყენების შესაძლებლობას.

კლუბის მიზანია მოსწავლეთა სამოქალაქო აქტიურობის ფორმირება არასაგაკვეთილო ფორმებით. საქართველოს სხვადსახვა კუთხეების უკეთ შესწავლა-დაახლოება. საქართველოს და უცხო ქვეყნების ხალხთა ისტორიის, კულტურისა და ტრადიციების გაცნობა. კლუბში მუშაობა მოსწავლეებს დაეხმარება მომავალი წარმატებული ცხოვრებისათვის საჭირო უნარ-ჩვევების გამომუშავებაში, ასევე ჯანსაღი ცხოვრების გათავისება/დამკვიდრებაში.

რა მიმართულებებით მუშაობს სასკოლო მოგზაურთა კლუბი  

,,ველური  მთიანეთი“

 კლუბი ძირითადად ორი მიმართულებით მუშაობს: პირველი მიმართულება - თეორიულ საკითხებზე მუშაობა, მეორე კი- პრაქტიკულ საკითხებზე მუშაობა.  მოსწავლეები იძენენ თეორიულ ცოდნას საქართველოს, მსოფლიოს გეოგრაფიული მდებარეობის, რელიეფის თავისებურებების, მსოფლიოში მიმდინარე გლობალური პროცესების, ეკოლოგიური პრობლემების შესახებ.  ამ მიზნით შესაძლოა, მოსწავლეებმა მოიწვიონ განსახილველი საკითხის სპეციალისტი ,რომელმაც შეილძლება ერთჯერადი დახმარება გაუწიოს წევრებს ან ჩაატაროს ლექციების კურსი ან ტრენინგი.

მეორე მიმართულებით კი მოსწავლეებს შეუძლიათ თეორიული მუშაობისას მიღებული ცოდნის პრაქტიკაშ გამოყენება.ამ დროს კლუბის წევრებს თვითონაც უვითარდებათ მნიშვნელოვანი უნარ-ჩვევები.გარდა ამისა, შესაძლოა, კლუბის მიერ განხორციელებულმა ნებისმიერმა პროექტმა მოსახლეობას საზოგადოებრივი საქმიანობის მნიშვნელობა დაანახოს, შეცვალოს მათი დამოკიდებულება საზოგადოებრივი საქმიანობის მიმართ და გაზარდოს  ჩართულობა.

„ იმოგზაურე,  აღმოაჩინე“

 კლუბის  გეგმა

დანართი N1

სსიპ -----------------------------------------
საჯარო სკოლის -------------------------
კლუბის კურატორს ----------------------------

ამავე სკოლის ---- კლასის მოსწავლე
--------------------------------------------
მშობლის ----------------------------------------

გ ა ნ ა ც ხ ა დ ი
გთხოვთ, ჩემი შვილი, სსიპ ---------------------------- საჯარო სკოლის --- კლასის მოსწავლე --------------------------------- გააწევრიანოთ ამავე სკოლაში შექმნილ ------------------------- კლუბში.

პატივისცემით,

განმცხადებელი:
თარიღი:

სსიპ ქალაქ თბილისის N12 საჯარო სკოლის კლუბ     ,,ველური  მთიანეთის“       წესდება:

1.ზოგადი დებულებები
1.1.სსიპ თბილისი მე-12 საჯარო სკოლის კლუბი  ,,ველური  მთიანეთის “ (შემდგომში - კლუბი) დაფუძნებულია „ზოგადი განათლების შესახებ“ საქართველოს კანონის 48-ე მუხლის „ე“ ქვეპუნქტისა და ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ’’ საქართველოს განათლებისა და მეცნიერების მინისტრის 2005 წლის 15 სექტემბრის N448 ბრძანებით დამტკიცებული საჯარო სკოლის წესდების მე-10 მუხლის მე-6 პუნქტის „გ“ ქვეპუნქტის საფუძველზე მოსწავლეთა თვითმმართველობის წევრთა ინიციატივით.
1.2.კლუბი დაფუძნებულია ერთი სასწავლო წლის ვადით.
1.3.კლუბს აქვს სახელწოდება, ლოგო, აგრეთვე შეიძლება ჰქონდეს სხვა რეკვიზიტები.
1.4 კლუბის იურიდიული მისამართი: საქართველო, სსიპ თბილისის მე-12 საჯარო სკოლა
2.კლუბის მიზნები და ამოცანები
2.1. საქართველოს  სხვადსახვა  კუთხეების  უკეთ  შესწავლა-დაახლოება.  საქართველოს  და  უცხო  ქვეყნების  ხალხთა  ისტორიის, კულტურისა  და  ტრადიციების  გაცნობა. 
2.2. მოსწავლეებში წიგნების მიმართ ინტერესის გაზრდა.
2.3.პრეზენტაციის უნარის ჩამოყალიბება;
2.4. მოსწავლეთა კვლევის, სინთეზის, ანალიზის, დისკუსიის უნარების გამოვლენა და ჩამოყალიბება;
2.5. პრობლემის გადაჭრის უნარი გამოვლენა;
2.6.წყვილებში, ჯგუფებსა და ინდივიდუალურად მუშაობის გამოცდილების მიღება-გაზიარება;
2.7.კონფერენციების, სემინარების, ღონისძიებების  მოწყობა.
2.8.პასუხისმგებლობის გრძნობის განვითარება;
2.9.კლუბი უფლებამოსილია განახორციელოს ნებისმიერი საქმიანობა,რომელიც ემსახურება კლუბის მიზნებს,ინტერესებს, ორიენტირებულია შედეგზე და არ ეწინააღმდეგება საქართველოს კანონმდებლობას;
2.10. სასკოლო კლუბის ძირითად მიზნებს წარმოადგენს მოსწავლეთათვის კლუბის ფარგლებში წარმოშობილი პრობლემური თუ საინტერესო საკითხების განხილვა. ასევე, სხვადასხვა საგანმანათლებლო აქტივობის ორგანიზება მოსწავლეთა პრაქტიკული და თეორიული უნარების განვითარებისათვის.

3. კლუბშიგაწევრიანება და წევრობის შეწყვეტა

3.1. კლუბის წევრობა ნებაყოფლობითია;
3.2.კლუბის წევრი შეიძლება გახდეს ამავე სკოლისსაბაზო/საშუალო საფეხურის მოსწავლე, რომელიც იზიარებს კლუბის მიზნებს;
3.3.კლუბის წევრობის მსურველმა უნდა მიმართოს კლუბს წერილობით ამ წესდების დანართი N1 -ით დამტკიცებული ფორმით;
3.4.კლუბის წევრი ვალდებულია მიიღოს მონაწილეობა კლუბის საქმიანობაში,დაიცვას წესდების მოთხოვნები, შეასრულოს დავალებები და კლუბის მიერ მიღებული გადაწყვეტილებები;
3.5.კლუბის წევრს ეკრძალება იმოქმედოს ორგანიზაციის სახელით კურატორთან შეთანხმების გარეშე;
3.6.კლუბი პასუხისმგებელია მისი წევრის მხოლოდ იმ საქმიანობაზე,რომელიც დაკავშირებულია კლუბის საქმიანობასთან;
3.7.კლუბის წევრს უფლებამოსილება უწყდება:
ა) პირადი განცხადების დაფუძველზე;
ბ)კლუბის წევრთა ხმათა უმრავლესობის გადაწყვეტილებით, როდესაც მისი საქმიანობა ეწინააღმდეგება კლუბის მიზნებს და უხეშად არღვევს აღნიშნული წესდების დებულებებს;
გ) მოსწავლის ამორიცხვის, გარიცხვის, სტატუსის შეჩერების შედეგად.

4.კლუბის მართვა და გადაწყვეტილებების მიღების წესი

4.1. კლუბს შეიძლება ჰყავდეს კურატორი (მასწავლებელი), რომლის უფლებამოსილებაა უხელმძღვანელოს კლუბის საქმიანობას, ერთპიროვნულად წარადგინოს კლუბი მესამე პირებთან, უხელმძღვანელოს კლუბის მიერ განსახორციელებელი პროექტებისა და პროგრამების შემუშავებასა და რეალიზაციას, განაგოს კლუბის ქონება;
4.2. გადაწყვეტილების მიღებისას ხმის უფლებით სარგებლობენ კლუბის წევრები, რომლებიც გადაწყვეტილებას იღებენ დამსწრეთა უმრავლესობით.

5.კლუბის მუშაობა

5.1.კლუბი იკრიბება საჭიროებიდან გამომდინარე;
5.2.კლუბი მუშაობს წინასწარ შემუშავებული სამოქმედო გეგმით;
5.3. კლუბის კურატორი ინტერნეტსივრცეში ქმნის facebook–ის გვერდს, სადაც განთავსდება ინფორმაცია კლუბის სახელწოდება, კლუბის წესდება, სამოქმედო გეგმა და ფოტომასალა კლუბის საქმიანობის შესახებ;
5.4. ამ წესდების მეორე მუხლით გათვალისწინებული ამოცანებისა და მიზნების მისაღწევად კლუბის წევრები:
• ახორციელებენ კვლევას სკოლის მოსწავლეთა საზოგადოებისათვის საინტერესო საკითხვებზე;
• ორგანიზებას უწევენ კონკურსებსა და სხვადასხვა პროექტს;
• უზრუნველყოფენ მოსწავლეთა ინფორმირებას კლუბის ფარგლებში წამოჭრილ სიახლეებთან დაკავშირებით;
• წინადადებებით მიმართავენ სკოლის მოსწავლეთა თვითმმართველობას.

6. ცვლილებების შეტანა
წესდებაში ცვლილებებისა და დამატებების შეტანა ხდება შესაბამისი წინადადების მოსწავლეთა თვითმმართველობის საბაზო/საშუალო საფეხურის გაერთიანებულ სხდომაზე განხილვისა და დამტკიცების შედეგად.

7.კლუბის საქმიანობის შეწყვეტის საფუძვლები

კლუბის საქმიანობა წყდება:
ა) მოსწავლეთა თვითმმართველობის წევრებისგადაწყვეტილებით, თუკი კლუბმა დაკარგა აქტუალურობა (მოსწავლეებში დაინტერესება);
ბ) კლუბის მოქმედების ვადის გასვლით.